कुलेखानीमा पौडी खेल्दा एक जना डुबेर बेपत्ता

हेटौँडा, ९ कात्तिक । मकवानपुरको इन्द्रसरोवर गाउँपालिकामा अवस्थित कुलेखानी (इन्द्रसरोवर ताल) मा पौडी खेल्न गएका एक किशोर बेपत्ता भएका छन् ।

जिल्ला प्रहरी कार्यालय मकवानपुरका अनुसार भक्तपुर धौखेल घर भएका १९ बर्षीय रोनाल्ड सुवाल बिहीबार दिउँसो तालमा पौडी खेल्ने क्रममा डुबेर बेपत्ता भएका हुन् ।

प्रत्यक्षदर्शीहरुका अनुसार सुवाल उनका ६ जना साथीहरु सँगै ताल घुम्न आएका थिए । उनीसँगै पौडी खेल्न गएका ६ जना भने सुरक्षित रहेका छन् । बेपत्ता भएका सुवालको खोजी कार्य भइरहेको प्रहरीले जनाएको छ ।