एमाले प्रवेश : बर्तौलाका लागि सुपर मार्केट लक्ष्य अधिकारीका लागि फर्किएको खोला

हेटौँडा, १९ कात्तिक । नयाँ शक्ति विद्यार्थी युनियनमा रहेर विद्यार्थीको हकहितका लागि लडेर सफल समेत भएका अमृत बर्तौला र गिरिजा अधिकारीले एमालेमा प्रवेश गरेसँगै एमाले प्रवेशको राज खोलेका छन् ।

एमालेमा प्रवेश गरेका बर्तौलाले तिखो व्यङ्ग्य गर्दै भने–‘हामी सुपर मार्केट चलाउने उदेश्यले लागेका थियौँ तर खुद्रा पसल खोलेर सुपर मार्केट चलाउन नसकिँदो रहेछ । त्यसैले हामी सुपर मार्केट खोल्न एकजुट हुन आएका हौँ ।’ उनले भने ।

उनले विद्यार्थीको लागि अझै धेरै हकहितका कार्यहरु गर्न अनेरास्ववियुमा आउन आवश्यक परेको दोहोराए । अहिले प्रवेशका बेलामा जस्तै पहललाई एमालेका साथीहरुले नभुल्ने आसा समेत उनले व्यक्त गरे ।

त्यस्तै अनेरास्ववियुबाटै विद्यार्थी राजनीति सुरु गरेका अधिकारीले अनेरास्ववियुमा आउनु आफ्नो पुरानै स्थानमा फर्कनु जस्तै रहेको बताए । उनले १२ वर्ष पछि खोला फर्कने प्रसङ्ग निकाल्दै आफु पनि १२ वर्षपछि फर्किएको खोला जस्तै अनुभव भएको बताए ।
विद्यार्थी राजनीतिमा यी दुबै नेता सफल देखिएका छन् ।