डाँका मुद्धामा फरार रहेका मकवानपुरका सोमलाल पक्राउ

हेटौँडा, २० कात्तिक । चोरी तथा डाँका मुद्धामा फरार रहेका हाँडीखोलाका एक व्यक्तिलाई प्रहरीले पक्राउ गरी कारवाही गरेको छ ।

वि.सं. २०७२ मंसिर २६ गतेको जबरजस्ती चोरी डाँका मुद्धामा फरार रहेका साविक हाँडीखोला गाविस वडा नम्बर ३ हाल मनहरी गाउँपालिका वडा नम्बर ३ बस्ने सबिन लामा बल भन्ने सोमलाल बललाई पक्राउ गरी कारवाही गरेको हो ।

ईलाका प्रहरी कार्यालय नेवारपानी, मकवानपुरबाट खटिएको प्रहरी टोलीले उनलाई वि.सं. २०७४ कात्तिक १८ गते शनिबार पक्राउ गरि सम्मानित अदालतमा पेश गरेको थियो । उनलाई नगद रु. ५ हजार जरिवाना तिराई रिहा गरिएको जिल्ला प्रहरी कार्यालय मकवानपुरले जनाएको छ ।