रिम्पोछे कर्म ज्ञानसागर लामाको निधन

मकवानपुर, २३ कात्तिक । नेपाल अहिंसावादी बौद्ध धर्म विश्व शान्ति चक्र संघका केन्द्रीय अध्यक्ष रिम्पोछे कर्म ज्ञानसागर लामाको निधन भएको छ । ८२ वर्षीय रिम्पोछेको बुधबार राती ११ः२५ मा देहावसान भएको हो ।

२०३५ सालबाट संघको स्थापना गरि बौद्ध धर्मभित्र शुद्धिकरण कार्य अघि बढाउन अगुवाई गरेका लामाले शुद्धिकरणकै अभियानमा करिब ४० वर्ष योगदान पुराएका थिए । जीवनकालमा समेत बौद्ध धर्मको प्रवद्र्धन र लोककल्याणकारी कार्यमा लागेका रिम्पोछेको निधनले बौद्ध धर्मको क्षेत्रमा ठूलो अभाव खट्किएको उनका एक शिष्य लारिन दोर्जे लामाले बताए ।

उनको देह त्यागले देश तथा विदेशमा रहेका उनका हजारौं अनुयायीहरु यतिखेर स्तब्ध बनेका छन् ।