घरदैलो गर्दै नयाँ शक्ति पदमपोखरीमा

हेटौँडा, २४ कात्तिक । नयाँशक्ति पार्टी, नेपाल मकवानपुरले आसन्न प्रतिनिधिसभा र प्रदेशसभा निर्वाचनलाई लक्षित गरी घरदैलो कार्यक्रम संचालन गरीरहेको छ । घरदैलो कार्यक्रम लिएर विहिबार मकवानपुरको हेटौंडा– १२ पदमपोखरी क्षेत्रमा नयाँ शक्तिको टोली उम्मेदवारहरु सहित पुगेका छन् । पदमपोखरीको चौधघरे रमनटार लगाएतका स्थानमा घरदैलो गरीएको नयाँशक्ति पार्टी नेपाल मकवानपुरले जनाएको छ ।

त्यस्तै पदमपोखरीकै सिग्रेनी, बरालटोल, ठूलोथली लगायतका क्षेत्रमा पनि घरदैलो गरिएको छ । घरदैलो कार्यक्रमबाट आफुहरुलाई सहयोग गर्ने प्रतिवद्धता पदमपोखरीवासीहरुबाट मिलेको समेत नयाँ शक्तिका तर्फबाट प्रदेशसभा क्षेत्र नम्बर १ को (ख) उम्मेदवार राजन मैनालीले बताए ।

घरदैलो कार्यक्रममा मैनालीसहित प्रतिनिधिसभा क्षेत्र नम्बर १ का उम्मेदवार प्रल्हाद लामिछाने, सुधिर थापा, जिवनमान मोक्तान,सानु लामा,गोबिन्द पुडासैनी लगाएत नयाँशक्ति मकवानपुरका अन्य नेता कार्यकर्ताहरुको उपस्थिति रहेको थियो ।