हेटौँडामा जेसिबि दुर्घटना, पदमपोखरीका अटो चालक घाईते

हेटौँडा, २६ कात्तिक । पुर्वपश्चिम राजमार्ग अन्तर्गत मकवानपुरको हेटौँडा–४ कर्रामा आईतबार जेसिबि दुर्घटना भएको छ । घटनामा परि एकजना घाइते भएका छन् ।
बिरगञ्जबाट हेटौँडा तर्फ आउँदै गर्दा ना ५ ख ५८८९ नम्बरको ट्रकमा लोड गरि ल्याइएको जेसिबि सडकमा खसेपछि दुर्घटना भएको हो । जेसिबि खस्दा सडकमा गुडिरहेको ना १ ह ८५३५ नम्बरको अटोमा ठोक्किएको जिल्ला प्रहरी कार्यालय मकवानपुरका प्रहरी प्रवक्ता डिएसपी दिलिपराज झाले जानकारी दिए । दुर्घटनामा परि अटोका चालक हेटौँडा–१३ पदमपोखरीका २० वर्षीय पेमा लामा घाइते भएका छन् । टाउकोमा चोक लागेका उनको हेटौँडा अस्पतालमा उपचार भैरहेको छ भने ट्रकका चालक फरार छन् ।
सडक छेउमा रहेको रुखको हाँगामा जेसिबि ठोक्किएर सडकमा खसेको थियो । दुर्घटना पछि भएको सडक एकतर्फी सञ्चालन भएको छ ।