क्रिकेटमा नेपालसँग हार्यो भारत

एसीसी अण्डर – १९ एसिया कप क्रिकेटमा नेपालले भारतलाई हराएको छ । यो जीतलाई नेपालको ऐतिहासिक जीतको रुपमा रहेको नेपाली मिडियाहरुले लेखेका छन् । भारतलाई नेपालले १९ रनले हराएको हो । यसअघि कुनै पनि क्रिकेटमा नेपालले भारतलाई हराउन सकेको थिएन ।
मलेसियामा भएको यो खेलमा नेपालले दिएको १ सय ८६ रनको लक्ष्य पछ्याएको भारत ४८.१ ओभरमा १ सय ६६ रनमा समेटिएपछि नेपालको विजयी संभव भएको थियो । कप्तान दीपेन्द्र सिंह ऐरीले ८८ रन बनाए भने ४ विकेट लिएका थिए । नेपालले अर्को खेल मलेसियासँग खेल्नेछ ।