नेपालको आजपनि दामी प्रदर्शन, मलेसियाले दियो जम्मा ४६ रनको लक्ष्य

काठमाडौ, २८ कात्तिक । एसीसी यु १९ एसिया कप क्रिकेटमा मलेसियाले नेपाललाई ४६ रनको बिजय लक्ष्य दिएको छ । नेपाली बलरहरुको प्रर्दशन निकै राम्रो भएपछि मलेसिया १५.३ ओभरमा ४५ रनमात्र बनाउन सक्यो ।
बर्षाका कारण खेल २४ ओभरमा छोट्याइएको छ । मलेसियासँगको खेलमा सन्दिप लामिछानेले सबैभन्दाबढी ५ विकेट लिएका छन् । दीपेन्द्र ऐरी र साहेब आलमले दुई दुई विकेट लिए । यसअघि अस्ति भएको खेलमा नेपालले भारतलाई १९ रनले हराएको थियो । आजसम्मको कुनै पनि तहको खेलमा नेपालले भारतलाई हराउन सकेको थिए । आज घरेलु टोली मलेसियासँग खेलेको नेपालले सानदार खेल पस्किएको छ । केहीबेरमा नेपालले ब्याटिङ गर्नेछ ।
अस्तिको खेलमा नेपालले भारतलाई हराएपछि नेपालीमात्र होइन, भारतीय मिडियामा पनि नेपालको खुलेर प्रशंसा भएको थियो । त्यहि क्रमलाई आज पनि नेपालले निरन्तरता दियो ।