पेस्तोलसहित एक जना पक्राउ

कैलाली, ३० कात्तिक । कैलालीको धनगढी नगरपालिका–८ क्याम्पस चोक बस्ने राकेश चौधरीलाई नलकटुवा पेस्तोल १ थान सहित बुधबार राति प्रहरीले पक्राउ गरेको छ ।
धनगढी नगरपालिका–७ स्थित सरकारी बोरिङ नजिक वडा प्रहरी कार्यालय धनगढीबाट खटिएको प्रहरीले जाँच गर्ने क्रममा चौधरीको साथबाट उक्त हतियार फेला परेपछि उनलाई नियन्त्रणमा लिएको हो ।
लागुऔषधको कारोबारमा संलग्न रहेको भनिएका राकेश प्रहरीको खोजी सूचीमा रहेको जनाइएको छ । यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालय नक्सालले जनाएको छ ।