एम्बुसबाट ‘भाग्य’ले जोगिए डा. रामशरण महत

१ मंसिर, काठमाडौं । कांग्रेस नेता डा. रामशरण महतलाई लक्षित गरी शुक्रबार नुवाकोटमा शक्तिशाली एम्बुस विष्फोट भयो । बिष्फोटनमा परी ५ जना कांग्रेस कार्यकर्ता घाइते भए ।

अहिले उनीहरुलाई थप उपचारका लागि हेलिकोप्टरमार्फत काठमाडौं ल्याउने तयारी भइरहेको छ । एम्बुसबाट करिब डेढ सय मिटर अगाडि डा. महतको गाडी थियो ।

अक्सर गाडीको लस्करको बीचमा भीआईपीको गाडी हुने गर्छ । सायद आक्रमणकारीले पनि त्यही सोचेर बीचको गाडीलाई धरापमा पारेका थिए ।

तर, शुक्रबार डा. महत सबैभन्दा अघिल्लो गाडीमा थिए । र, जोगिए ।