काँग्रेसका राजन भन्छन्–’बरु हात काट्छु कमल थापालाई भोट हाल्दिनँ’

हेटौँडा, १३ कात्तिक । नेपाली काँग्रेसका जिल्ला सदस्य राजन खरेलले राप्रपाका अध्यक्ष कमल थापालाई भोट हाल्नुभन्दा आफु हातै काट्न तयार रहेको बताएका छन् ।

आज राप्रपासँग गठबन्धन तोडेको विषयमा नेपाली काँग्रेस मकवानपुरले आयोजना गरेको पत्रकार सम्मेलनमा बोल्दै खरेलले राप्रपालाई भोट हाल्नु भनेको घाँस खाने तर दुध नदिने गाईलाई भोट हाल्नु जस्तै भएको औँल्याए ।

बिगतमा राप्रपाबाट काँग्रेसमा प्रवेश गरेका उनले कमल थापालाई चिनेर उनको पार्टीलाई छोडेर बिगतमा काँग्रेसमा प्रवेश गरेको स्मरण गर्दै उनले थापालाई नै भोट हाल्नुपर्ने भए काँग्रेस किन चाहियो भन्ने पनि सवाल उठाए ।