हेटौँडामा २ वटा ट्रक नियन्त्रण

हेटौँडा, १८ कात्तिक । हेटौँडा ९ पशुपतिनगर सडक क्षेत्रमा प्रहरीले दुई वटा ट्रकलाई गोरु सहित नियन्त्रणमा लिएको छ ।

शुक्रबार बिहान करिब १० बजे ईलाका प्रहरी कार्यालय पशुपतिनगरबाट खटिएको प्रहरी टोलीले जाँच गर्ने क्रममा हेटौँडा हुदै पुर्व झापा तर्फ जान लागेको ना. ६ ख.४४४४ र ना. ६ ख.३८३३ नम्बरको ट्रकलाई गोरु सहित नियन्त्रणमा लिएको जिल्ला प्रहरी कार्यालय मकवानपुरले जनाएको छ ।

जाँचका क्रममा २ वटा ट्रकमा ४२ वटा गोरु फेला परेको र उक्त ट्रकमा गोरुहरुको लागी चाहिने आवश्यक कागजात समेत नभएको हुँदा पक्राउ गरी आवश्यक कारवाहीको लागि पशु क्वारेन्ट टाईन चेक पोष्ट पथलैया बारामा पठाईएको बताइएको छ ।