सिन्धुलीका दुई युवक मकवानपुरमा पक्राउ
तु खबर संवाददाता२०७४ मंसिर २९,शुक्रबार १०:३५
मकवानपुर, २९ मंसिर । सिन्धुली जिल्लाका दुई जना युवकहरु नियन्त्रित लागुऔँषधसहित मकवानपुरको हेटौँडामा पक्राउ परेका छन् ।
मंसिर २८ गते बिहान अन्दाजी २ बजेको समयमा जिल्ला प्रहरी कार्यालय, मकवानपुरबाट खटिएको प्रहरी टोलीले हेटौँडा १० स्थित सडकमा शकास्पद रुपमा हिँडिरहेको अवस्थामा सिन्धुलीको फिकल गाउँपालिका वडा नम्बर ३ बस्ने वर्ष १८ को सुमन कार्की र सोही जिल्लाको तिनपाटन गाउँपालिका वडा नम्बर ६ बस्ने वर्ष १८ को जितेन्द्र पुलामी मगरलाई नियन्त्रणमा लिएको हो ।
उनीहरुलाई नियन्त्रणमा लिई शरिर खानतलासी गर्दा उनीहरुले लुकाई छिपाई ल्याएको नियन्त्रित लागूऔषध नाईट्रोभेट ३३ ट्याब्लेट फेला परेपछि उनीहरुलाई पक्राउ गरिएको जिल्ला प्रहरी कार्यालय मकवानपुरले जनाएको छ ।