दुर्घटनामा दुई जनाको मृत्यू

काठमाडौं, ३ पुस । मुलुकका दुई स्थानहरुमा भएको दुर्घटनामा परि २ जनाको मृत्यू भएको छ ।

रुपन्देहीको बुटवल उपमहानगरपालिका–१२ नयाँगाउँ चोकस्थित महेन्द्र राजमार्गमा लु.२७ प ९९८३ र लु.३ प ९६२० नम्बरको मोटरसाइकल आइतबार एकआपसमा ठक्कर खाई दुर्घटना हुँदा लु.२७ प ९९८३ नम्बरको मोटरसाइकल पछाडि सवार सैनामैना नगरपालिका–४ सालझण्डी बस्ने २० वर्षीय बिक्रम काउछाको मृत्यू भएको हो ।

उनी दुर्घटनमा गम्भीर घाइते भएकाले लुम्बिनी अञ्चल अस्पताल बुटवल पठाइएको थियो । उनको उपचारको क्रममा आइतबार मृत्यु भएको हो ।
त्यस्तै कञ्चनपुरको पुनर्बास नगरपालिका–११ भिमबस्ती स्थित भे.१ स ३१३६ नम्बरको अटो रिक्साले सोही ठाउँ बस्ने साईकल यात्री भिमसिंह ठकुरीलाई आइतबार ठक्कर दिंदा उनको मृत्यू भएको छ ।

गम्भीर घाइते भएका उनलाई सेती अंचल अस्पताल धनगढी पठाइएकोमा उपचारको क्रममा मृत्यु भएको प्रहरीले जनाएको छ । चालक र अटो रिक्सालाई प्रहरीले नियन्त्रणमा लिएको छ । घटनाका सम्बन्धमा स्थानीय प्रहरीले आवश्यक अनुसन्धान गरिरहेको प्रहरी प्रधान कार्यालय नक्सालले जनाएको छ ।