सवारी दुर्घटनामा ३ जनाको मृत्यू

काठमाडौँ, ४ पुस । मुलुकका विभिन्न स्थानहरुमा भएको छुट्टाछुट्टै दुर्घटनामा ३ जनाको मृत्यू भएको छ ।

झापाको मेचीनगर नगरपालिका–६ स्थित मेची पुलमा भारतबाट नेपालतर्फ आउँदै गरेको एनएल०५डि ४०१३ नम्बरको ट्रकले सोमबार मे.२ प १७८१ नम्बरको मोटरसाइकललाई ठक्कर दिदाँ मोटरसाइकल चालकको मृत्यू भएको छ । दुर्घटनामा अर्जुनधारा नगरपालिका बस्ने १८ बर्षीय मनोज भुजेलको घटनास्थलमै मृत्यृ भएको हो । ट्रक र चालकलाई प्रहरीले नियन्त्रणमा लिएको छ ।

चितवनको भरतपुर महानगरपालिका–१५ स्थित भित्रि सडक खण्डमा सोमबार ना.४ ख ९६९६ नम्बरको बसले साइकलयात्री सोही ठाउँ बस्ने २५ बर्षीय राजिन भुजेललाई ठक्कर दिंदा उनको मृत्यु भएको छ । दुर्घटनामा गम्भीर घाइते भएकोले उपचारको लागी नयाँ मेडिकल कलेज लैजाने क्रममा उनको बाटोमै मृत्यु भएको हो । बस र चालकलाई प्रहरीले नियन्त्रणमा लिएको छ ।

नवलपरासीको बर्दघाट नगरपालिका–४ स्थित महेन्द्र राजमार्गमा ना.७ ख १८५४ नम्बरको बसले गएराति नाम, थर, वतन नखुलेको अन्दाजी २२ बर्षीय पैदलयात्रीलाई ठक्कर दिंदा उनको मृत्यू भएको छ । दुर्घटनामा गम्भीर घाइते भएका उनलाई उपचारको लागि पृथ्वी चन्द्र अस्पताल परासी लैजाने क्रममा बाटोमै मृत्यु भएको हो । बस र चालकलाई प्रहरीले नियन्त्रणमा लिएको छ ।