टेम्पुमा सवार ६ जना विभिन्न हतियारसहित पक्राउ

बारा, ५ पुस । बाराको कोल्हबी नगरपालिका–२ स्थित भलोही खोरबाट प्रहरीले मंगलबार निजगढबाट कोल्हबीतर्फ जाँदै गरेको ना.१ ह ८०१५ नम्बरको टेम्पुमा सवार ६ जनालाई विभिन्न हातहतियार सहित पक्राउ गरेको छ ।

प्रहरीले भारतीय नागरिक ३१ वर्षीय अशोक सहनी, सर्लाहीको मलंगवा नगरपालिका–२ बस्ने २९ वर्षीय दिनेश साह सहित ६ जनालाई पक्राउ गरेको हो ।

उनीहरुको साथबाट कटुवा पेस्तोल ३ नाल, थ्रिनटथ्रि राईफलको गोली ७ राउण्ड र छुरा १ थान फेला परेको थियो । यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालय नक्सालले जनाएको छ ।