घर प्लाष्टर गर्दा ४ तलाबाट खसेर मृत्यू
तु खबर संवाददाता२०७४ पुष ५,बुधबार १५:४८
भक्तपुर, ५ पुस । सूर्यविनायक नगरपालिका–८ सूर्यविनायकमा घर प्लाष्टर गर्ने क्रममा खोटाङ्ग घर भई काठमाडौँ जोरपाटी बस्ने २८ वर्षीय बसन्त राईको चारतला माथिबाट खसेर मृत्यु भएको छ ।
मंगलबार चारतला माथिबाट खसेर गम्भीर घाइते भएका राईको भक्तपुर अस्पतालमा उपचारको क्रममा मृत्यु भएको हो । यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालय नक्सालले जनाएको छ ।
