बात्रुल खाँन पक्राउ

नवलपरासी, ७ पुस । सशस्त्र प्रहरी बल नेपाल बोर्डर आउट पोष्ट हरपुर नवलपरासीबाट खटिएको एपीएफ टोलीले पुस ६ गते विभिन्न किसिमका लागूऔषधसहित एक जनालाई पक्राउ गरेको छ ।

नवपलपरासी जिल्लाको सुनवल नगरपालिका ४ बस्ने २८ वर्षिय बात्रुल खाँनलाई स्पास्मो प्रोक्सिभन ३२ वटा, नोइट्रोभेट आठ वटा र चार बोतल कोरेक्ससहित एपीएफ टोलीले पक्राउ गरेको हो । उक्त पोष्टबाट सशस्त्र प्रहरी हवल्दार दिपक पाठकको कमाण्डमा खटिएको एपीएफ टोलीले सोही जिल्लाको पालिनन्दन गाउँपालिका २ स्थित गोपालपुर भन्ने स्थानमा जाँच गर्ने क्रममा उनलाई उल्लेखित आगूऔषधसहितै पक्राउ गरेको हो ।

पक्राउ परेका निज खाँँनलाई एपीएफ टोलीले आवश्यक कारवाहीको लागि बरामद लागूऔषधसहितै स्थानीय प्रहरीलाई बुझाएको छ ।