गाँजासहित युवक पक्राउ

काठमाडौँ, ७ पुस । ललितपुरको इमाडोल घर भएका २६ बर्षीय संदिप थापालाई प्रहरीले अवैध लागू औषध गाँजा १ के.जी. ५ सय ग्राम सहित पक्राउ गरेको छ ।

चन्द्रागिरी नगरपालिका–२ नागढुंगा चेकपोष्टमा धादिङ्गबाट काठमाडौँ आउदै गरेको बा.४ ख २७१८ नम्बरको यात्रुबाहक बसलाई बिहीबार प्रहरीले जाँच गर्दा थापाले झोलामा लुकाई छिपाई ल्याएको उक्त गाँजा बरामद भएको थियो ।

यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालय नक्सालले जनाएको छ ।