सवारी दुर्घटनामा २ जनाको मृत्यू

काठमाडौँ, ७ पुस । मुलुकका दुई छुट्टा–छुट्टै स्थानमा भएको सवारी दुर्घटनामा परि २ जनाको ज्यान गएको छ ।

महोत्तरीको गौशला नगरपालिका–११ लक्ष्मीनिया स्थित ज.१ त ५५१४ नम्बरको ट्याक्टरले बिहीबार साईकल यात्री सोही ठाउँ बस्ने १२ बर्षीया अन्जिला महतोलाई ठक्कर दिँदा घटनास्थलमै मृत्यु भएको छ । फरार ट्याक्टर चालकको प्रहरीले खोजतलास गरिरहेको छ ।

स्याङजाको पुतलीबजार नगरपालिका–४ नौडाँडा स्थित सिद्धार्थ राजमार्गमा ग.१ ख ५९९४ नम्बरको बसमा ग.१४ प २३८२ नम्बरको मोटरसाइकल बिहीबार ठक्कर खाई दुर्घटना हुँदा मोटरसाइकलको पछाडी सवार एक जना युवतीको मृत्यू भएको छ ।

मृत्यू हुनेमा कास्कीको लेखनाथ पुरान चउर बस्ने २१ बर्षीया सबिता पौडेल रहेका छन् । घटनामा गम्भिर घाइते भएकी उनलाई उपचारको लागि मेडिकल कलेज पोखरा पठाइएकोमा उपचारको क्रममा मृत्यु भएको हो । बस र चालकलाई प्रहरीले नियन्त्रणमा लिएको छ र आवश्यक अनुसन्धान भइरहेको प्रहरी प्रधान कार्यालय नक्सालले जनाएको छ ।