जुवातास खेल्ने १९ जना पक्राउ

काठमाडौँ, १२ पुस । काठमाडौँ महानगरपालिका–४ चप्पल कारखाना डेरा गरी बस्ने खोटाङको सिमनी घर भएका ६० बर्षीय नरेन्द्र राईको कोठामा जुवातास खेलिरहेका राई समेतका ११ जनालाई प्रहरीले मंगलबार नगद २ लाख ६७ हजार २ सय रुपैयाँ र ४ बुक तास सहित पक्राउ गरेको छ ।

यसैगरी काठमाडौँ महानगरपालिका–१९ ताम्सिपाखा डेरा गरी बस्ने मकवानपुरको हेटौडा उपमहानगरपालिका–६ घर भएका ४१ बर्षीय राजेन्द्र तामाङको कोठामा जुवातास खेलिरहेका तामाङ सहित ८ जनालाई प्रहरीले मंगलबार नगद १९ हजार ४ सय ५० रुपैयाँ र ३ बुक तास सहित पक्राउ गरेको छ ।
यस सम्बन्धमा प्रहरीले आवश्यक अनुसन्धान गरिरहेको प्रहरी प्रधान कार्यालय नक्सालले जनाएको छ ।