एक पुरुष र एक महिला मृत फेला

काठमाडौं, ५ चैत । काठमाडौँ र रौतहटमा गरि दुई व्यक्तिको शव फेला परेको छ । प्रहरी प्रधान कार्यालय नक्सालले जनाए अनुसार एक पुरुषको सनाखत भएको छ तर रौतहटमा भेटिएको महिलाको शवको सनाखत हुन सकेको छैन ।

काठमाडौँ महानगरपालिका–३३ ज्ञानेश्वरस्थित नमुना ब्वायज होष्टेलको तेस्रो तलामा बस्ने उदयपुर गाईघाट नगरपालिका–११ घर भएका ४७ वर्षीय ज्ञानेन्द्र बान्तवा आइतबार मृत अवस्थामा फेला परेका हुन् ।

त्यस्तै रौतहटको चन्द्रपुर नगरपालिका–१ पूर्वपश्चिम राजमार्गमा आइतबार नाम,थर,वतन नखुलेकी महिला मृत अवस्थामा फेला परेकी छिन् । यस सम्बन्धमा स्थानीय प्रहरीले आवश्यक आनुसन्धान गरिरहेको छ ।