प्रदेश ३ मा कार्य व्यवस्था समितिको बैठक बस्दै

मकवानपुर, १२ चैत । प्रदेश नम्बर ३ कार्य व्यवस्था समितिको बैठक केही समयपछि बस्ने भएको छ । प्रदेश सभा बैठक संचालनका लागि कार्य व्यवस्था समितिको बैठक बस्न लागिएको हो ।

भोलि मंगलबार बस्ने बैठकको तयारीका लागि कार्य व्यवस्था समितिको बैठक अहिले केही बेरमा बसिने बताइएको छ । बैठकले मंगलबारको प्रदेशसभा बैठकको कार्यसूचि तय गर्ने प्रदेश सभा सचिवालयका सचिव भारतकुमार बुढाथोकीले जानकारी दिए ।

प्रदेशसभा बैठकमा प्रदेश सरकारको आर्थिक कार्यविधि, स्थानीय तहका पदाधिकारीको सेवा सुविधा, केही सार्वजनिक लिखत प्रमाणीकरण सम्बन्धी विद्येयक सहितका विद्येयक संसदमा प्रस्तुत हुने छ । प्रदेश सरकारले चैत २० गतेभित्र चालु आर्थिक बर्षको बजेट एवं नीति तथा कार्यक्रम ल्याउने तयारी समेत गरिरहेको छ ।