चोरी गरेको आरोपमा ५ युवक पक्राउ

भक्तपुर, १२ चैत । चोरी गरेको अभियोगमा ५ जना युवकलाई प्रहरीले पक्राउ गरेको छ । भक्तपुर चाँगुनारायण नगरपालिका–६ बस्ने २२ बर्षीय गणेश लामा, २१ बर्षीय लच्छु कार्की, २३ बर्षीय अनिल मगर, २४ बर्षीय सुमन तामाङ र २१ बर्षीय रुपक तामाङलाई प्रहरीले पक्राउ गरेको हो ।

उनीहरुले शनिबार काभ्रे मण्डन देउपुर नगरपालिका–२ स्थित सानुकान्छा तामाङको पसलबाट नगद ३ लाख रुपैया चोरी गरेको बताइएको छ । प्रहरीले उनीहरुबाट नगद १ लाख ६ हजार २ सय १० रुपैयाँ, केही बिदेशी मुद्रा, सुनको चुडिएको सिक्री १ थान र सुनको औठी १ थान समेत बरामद गरेको छ । उनीहरुलाई आवश्यक अनुसन्धान एवं कारवाहीको लागि ईलाका प्रहरी कार्यालय बनेपा काभ्रेमा पठाइएको छ ।