मातृभूमिले निमेष निखिल सहित ३ जना साहित्यकारलाई सम्मान गर्ने

मकवानपुर, ६ जेठ । बिगत १५ वर्षदेखि हेटौँडाबाट प्रकाशित हुँदै आएको ‘हाम्रो मातृभूमि साहित्यिक राष्ट्रिय त्रैमासिक पत्रिकाले ५० औं अङ्क प्रकाशित गर्न सफल भएको अवसर पारेर मकवानपुरका साहित्यकार निमेष निखिलसहित ३ जना स्रष्टालाई सम्मान गर्ने भएको छ ।

५० औं अङक सफल भएको महत्वपूर्ण अवसरमा ५० औं अङ्क (स्वर्ण) लोकार्पण, स्रस्टा सम्मान एवम् कार्यगोष्ठी गरी सम्पन्न गर्ने निर्णय भएको हो । पत्रिका प्रकाशन समूहले पोखराका युवा साहित्यकार प्राज्ञ रमेश श्रेष्ठ, स्याङजाका युवा सााहित्यकार मिलन समिर र मकवानपुरको युवा साहित्यकार निभेष निखिललाई यही जेठ १९ गते भब्य कार्यक्रम गरी सम्मान गर्ने निर्णय गरेको हो ।