बालिका जवरजस्ती करणी गरी फरार रहेका मकवानपुरका एक जना पक्राउ

मकवानपुर २३ माघ । जिल्ला प्रहरी कार्यालय मकवानपुरबाट खटिएको अनुसन्धान टोलीले जवरजस्ती करणी गरी फरार रहेका मकवानपुरका एक जनालाई प्रहरीले पक्राउ गरेको छ । पक्राउ पर्नेमा कैलाश गाउँपालिका वडा नं. ३ का २३ वर्षिय प्रविन भन्ने विष्णु प्रसाद भुजेल रहेका छन् ।

उनलाई गत कात्तिक महिनाको दास्रो हप्ता सोही ठाउँकी १६ वर्षिया बालिकालाई फोनमा आफ्नो नाम ढाटी भेट्न बोलाइ जंगलमा लगि जवरजस्ती करणी गरी फरार रहेको अभियोगमा जिल्ला प्रहरी कार्यालय मकवानपुरले मंगलबार पक्राउ गरेको हो । बालिका अहिले गर्भवती छिन् ।

पीडितले निजलाई सनाखत गरेकोले निजलाई सम्मानित जिल्ला अदालतबाट मुलुकी फौजदारी अपराध (संहिता) ऐन २०७४ को परिच्छेद १८ को करणी सम्बन्धी कसुरमा म्याद थप गरी अनुसन्धान भइरहेको प्रहरीले जनाएको छ ।