सुदूरपश्चिम प्रदेशसभा बैठक लगातार छैठौं पटक स्थगित

कैलाली, १८ असार । सुदूरपश्चिम प्रदेशसभाको बैठक बुधबार पनि स्थगित भएको छ । बजेटको विषयलाई लिएर सरकार र प्रतिपक्षी दलबीचको छलफलमा सहमति पुग्न नसक्दा बुधबार आह्वान गरिएको बैठक यही असार २१ गतेसम्मको लागि स्थगित भएको हो ।

प्रदेश सरकारले ल्याएको बजेटमा असहमति जनाउँदै प्रतिपक्षी दल नेपाली कांगेस र राष्ट्रिय जनता पार्टी आन्दोलनमा रहेकै बेला सत्तारुढ दलकै सासंदहरुले समेत बजेट संशोधनको माग सहित मुख्यमन्त्रीलाई हस्ताक्षर बुझाएपछि सरकार समस्यामा परेको छ ।
संसदमा बजेट प्रस्तुत भएपछि छैठौं पटक बोलाइएको बैठक पनि स्थगित भएको हो ।