हेटौँडामा डेंगु नियन्त्रण गर्नका लागि मेयर महतको नेतृत्वमा अभियान सञ्चालन

मकवानपुर, ४ भदौ । हेटौंडामा डेंगु नियन्त्रण गर्नका लागि हेटौंडा उपमहानगरपालिकाका मेयर हरिबहादुर महतको नेतृत्वमा अभियाननै सञ्चालन गरिएको छ ।

डेंगुको लार्भा र प्युपा बस्ने बासस्थानको नष्ट गर्नका लागि आज ( बुधबार) मेयर महतको नेतृत्वमा हेटौंडा ४ का विभिन्न स्थानमा पानी जमेका भाडा खन्याउने, टायर संकलन गर्ने अभियान सञ्चालन गरिएको हो ।

डेंगु नियन्त्रणअभियानमा मेयर महतसहित प्रदेश स्वास्थ्य निर्देशनालयका निर्देशक रमेश अधिकारी, सामाजिक विकास मन्त्रालयका स्वास्थ्य महाशाखाका प्रमुख शतिस बिष्ट, हेटौंडा ४ का वडा अध्यक्ष नविन सिग्देल, नगर प्रहरी, महिला स्वास्थ्य स्वयंसेविका, जनपथ प्रहरी लगायतले सहभागीता जनाएका थिए ।

हेटौंडामा डेंगु लागेका २ सय ५१ जनाभन्दा माथी बिरामी देखा परिसकेको छन् ।

यसको नियन्त्रणका लागि हेटौंडामा टोल विकास संस्था, वडा कार्यालय, नगर प्रहरी, जनपथ प्रहरी, सशस्त्र प्रहरी, महिला स्वास्थ्य स्वयंसेविका लगायतकाको दिनहुँ सक्रिय सहभागिता रहेको मेयर महतले जानकारी दिए।