हेटौँडामा विभिन्न थरीका विस्फोटक पदार्थ बरामद

मकवानपुर, ८ कात्तिक । जिल्ला प्रहरी कार्यालय मकवानपुरबाट प्रहरी उपरीक्षक मुकेश कुमार सिंह, ससस्त्र प्रहरी गण गुल्म नं. १४ का प्रमुख प्रहरी उपरीक्षक बिकाश राज घिमिरेको संयुक्त टोलीले बिहिबार हेटौँडाबाट विभिन्न थरीको विस्पोटक पदार्थ बरामद गरेको छ ।

प्रहरीले आलु बम १० प्याकेट, पष्किनी बम ४ प्याकेट, नागिन पटका २ सय ५० प्याकेट, रकेट बम ६० थान, झिरझिरे ६० थान, कुखुरा पटका १३ प्याकेट बरामद गरेको हो ।

प्रहरीले मकवानपुरको हेटौँडा उपमहानगरपालिका वडा नं.१९ नेवारपानी स्थित सडकखण्डमा बस, ट्रक, अटो, मोटरसाईकल लगायत ४१ वटा सवारी साधान चेकजाचँ गर्दा उक्त विस्फोटक पदार्थ बरामद गरेको हो ।

बरामद गरेको उक्त विस्फोटक पदार्थ ईलाका प्रहरी कार्यालय नेवारपानिमा स्थानीय पत्रकार, भद्रभलादमीहरुको रोहबरमा खाल्डो खनी नष्ट गरिएको प्रहरीले जनाएको छ ।