विभिन्न पार्टी परित्याग गरी नेकपामा ९२ जना प्रवेश

मकवानपुर, ३० कात्तिक । पुर्वी मकवानपुरको बकैयामा नेपाल कम्युनिष्ट पार्टी (नेकपा) मा विभिन्न पार्टी परित्याग गरी ९२ जनाले प्रवेश गरेका छन् ।

नेकपा बकैया गाउँकमिटिको आयोजनामा शुक्रबार भएको वडा नं. ७ को वडा कमिटि गठन कार्यक्रममा विभिन्न पार्टी परित्याग गर्दै ९२ जना नेकपामा प्रवेश गरेका हुन् ।

पार्टी प्रवेश गर्दै उनीहरुले केही परिबन्ध र परिघटनाले आफू पार्टीबाट अलग जस्तो भएपनि सँधै नेकपाकै अभिन्न अङ्गको रुपमा रहँदै आएको र अझै पनि कम्युनिष्टप्रति उत्तिकै बफादार रहेको बताएका थिए ।

बकैया गाउँपालिका ७ का वडा अध्यक्ष भोजराज लामिछानेको अध्यक्षतमा भएको कार्यक्रममा नेकपाका केन्द्रीय सदस्य, मकवानपुर इन्चार्ज तथा सांसद विरोध खतिवडा, नेकपा केन्द्रीय सदस्य कुमारी मोक्तान, मकवानपुरका जिल्ला तहका नेताहरु तथा गाउँपालिका अध्यक्षसहित पदाधिकारीहरुको उपस्थिती रहेको थियो ।