राजधानी हेटौँडा र नाम बागमती राख्न निर्देशन दिनु खेदपूर्ण : काँग्रेस

हेटौंडा, १९ पुस । नेपाली काँग्रेस ३ नम्बर प्रदेश संसदीय दलले ३ वटा निर्णय गर्दै शुक्रबार काठमाडौंमा बसेको बैठक सकाएको छ ।

बैठकले प्रदेशको स्थायी राजधानी चयनका क्रममा प्रदेशसभा सदस्यलाई व्हिप नलगाउने निर्णय गरेको छ । दलको बैठक पुस २१ गते साँझ हेटौंडामा बस्ने निर्णय गरेको छ ।

बैठकमा कांग्रेस प्रदेशसभा सदस्यहरुले स्थायी राजधानी र नामाकरणको विषयमा आ–आफ्नो धारणा राखेका थिए । बैठकले सत्तारुढ दल नेकपाले संविधानको मर्म र भावना विपरित राजधानी र नामाकरणको विषयमा संसदीय दललाई निर्देशन दिनु खेदपूर्ण रहेको निर्णय गरेको कांग्रेसका सचेतक छिरिङ दोर्जे लामाले जानकारी दिए ।

बैठकले प्रदेशको अधिकार प्रदेशसभाले नै प्रयोग गर्न पाउनुपर्ने जनाएको छ । बैठकमा प्रदेशसभा सदस्यहरु जनताबाट निर्वाचित भएकोले यस विषयमा ह्वीप नलगाई स्वतन्त्र रुपमा आफ्नो मतदान र अभिव्यक्ति दिन पाउने निर्णय गरेको छ ।

बैठकले पुस २१ गते साँझ हेटौंडामा पुनः बैठक बस्ने र तत्कालिन समयमा के–कस्तो रणनीतिबाट २२ गतेको बैठकमा कांग्रेस संसदीय दलले उपस्थिति जनाउने भन्ने विषयमा निर्णय लिने जनाएको छ ।

नेपाल कम्युनिष्ट पार्टी (नेकपा) सचिवालय बैठकले गत आइतबार प्रदेश ३ को नाम बागमती र राजधानी हेटौंडा राख्ने निर्णय गर्दै प्रदेश संसदीय दललाई निर्देशन दिएपछि यसविषयमा समर्थन र विरोध हुँदै आइरहेको छ ।

प्रदेशसभाले २ वर्षदेखि राजधानी र नाम टुंग्याउन नसकेको स्थितिमा सत्तारुढ दल नेकपा नेतृत्वले यस्तो निर्देशन दिएपछि प्रदेश ३ को सत्तासिन नेकपा संसदीय दल र प्रमुख प्रतिपक्षी दलले यस विषयमा छलफल गर्न शुक्रबार बैठक बोलाएका थिए ।

हेटौंडास्थित मुख्यमन्त्री निवासमा भएको नेकपा संसदीय दलको बैठक भने बिना निश्कर्ष आज शनिवार बिहान पुनः बैठक बस्ने गरी स्थगित भएको थियो ।

आज बिहान ११ बजे मुख्यमन्त्री निवासमा पुनः संसदीय दलको बैठक बस्दैछ । नेकपा सचिवालयको निर्णयलाई प्रदेशसभाबाट पारित गर्न प्रदेशसभा बैठक २१ गते बोलाउन प्रदेश प्रमुखलाई सिफारिस गर्ने निर्णय प्रदेश ३ को मन्त्रीपरिषद्ले गरिसकेको छ ।

यो पनि पढ्नुहोस्।

• हेटौंडालाई प्रदेश ३ को स्थायी राजधानी बनाउने निर्णयप्रति मेरो समर्थन : बानियाँ

• नेकपाको निर्णयः राजधानी हेटौंडा, नाम बाग्मती

• ‘दुई तिहाई सदस्यहरु राजधानी हेटौंडाबाट सार्ने पक्षमा’

• हेटौंडा राजधानी बनाउने नेकपा निर्णयको स्वागत गर्छु : कमल थापा

• ‘हामी नाममात्रैको प्रदेश सदस्य, सबै काम केन्द्रले गरोस्’– राजेन्द्र पाण्डे

• जब प्रचण्ड हेटौंडा आए, त्यसपछि तात्यो नेकपा

• अहिले ६ बजे मन्त्रीपरिषद् बैठक बस्दै, प्रदेशसभा बैठक बोलाउन सभामुखलाई सिफारिस गरिने

• प्रदेश ३ को राजधानी र नाम पुसभित्रै टुङ्गिने

• प्रदेशसभा बैठक पुस २१ गते दिउँसो ३ बजे बोलाउन प्रदेश प्रमुखलाई सिफारिस

• राप्रपा के.स. मधु अधिकारी लेख्छन् – यसकारण हेटौंडा स्थायी राजधानी

• माधव नेपालले बागमती प्रदेश भनेपछि खैलाबैला

• त्यो सरकारमा कमल थापा नभएको भए…

• राजधानीको विषयमा संसदीय दलको हेटौंडा र काठमाडौंमा बैठक

• बालुवाटारबाट कडा निर्देशनः राजधानी हेटौंडाबाट दायाँबायाँ नहोस्

• प्रदेश ३ को राजधानी टुंग्याउने मतदान २२ गते

• राजधानीको विषयमा नेकपा र कांग्रेस संसदीय दलको बैठक आज बस्दै

• राजधानी हेटौंडा र नाम बागमती राख्ने पार्टी निर्णय स्वीकारौं : मुख्यमन्त्री पौडेल

• हेटौंडामा भएको संसदीय दलको बैठक भोली बस्ने गरी स्थगित