राजधानी टुंग्याउन नेकपाभित्र विवादैविवाद, कांग्रेसको ‘सरप्राइज’ !
तु खबर संवाददाता
हेटौंडा, २१ पुस । प्रदेश ३ को नेकपा संसदीय दलको बैठकमा तीन दिनसम्म निरन्तर राजधानीको विषयमा सहमतीको प्रयास गरेपनि हालसम्म निर्णय हुन सकेको छैन ।
शुक्रबारदेखि बसेको बैठक आइतबारसम्म आइपुग्दा पनि प्रदेश ३ को राजधानी र नामको विषयमा विवाद चुलिँदा ठोस निर्णय गर्न नसकेको हो । बैठकमा सांसदहरुले मिश्रित धारणा राखेका छन् । केही सांसद राजधानी सार्ने पक्षमा अडिक छन् भने केही सांसद हेटौंडालाई नै राजधानी कायम गरेर जाने पक्षमा छन् ।
नेकपा सचिवालय बैठकले राजधानीमा हेटौंडा र नाम बागमती राख्न संसदीय दललाई निर्देशन दिने निर्णय गरेपछि सहमतीको प्रयासमा तीनदेखि हेटौंडामा संसदीय दलको बैठक जारी छ ।
नेकपा मुख्य सचेतक रामेश्वर फुँयालले आइतबार बस्ने दलको बैठकले निर्णय गरेर अगाडि बढ्ने बताएका थिए । तर, राजधानीको विषयमा विवाद हुँदा आइतबारको बैठक बिना निर्णय स्थगित भएको थियो । बैठकमा विवाद भइरहेपछि २२ गते पुनः बस्ने गरी स्थगित भएको हो ।
राजधानी र नामाकरणको विषयमा पार्टीको सचिवालयले गरेको निर्णयअनुसार नेकपाका प्रदेश ३ का सांसदहरु अगाडि बढ्ने भएका छन् ।
शुक्रबारबाट सुरु भएको प्रदेश ३ को नेकपा संसदीय दलको बैठकको पहिलो दिनमा काभ्रेको पक्षमा सांसदहरु उभिएका थिए भने शनिवार अधिकांश सांसदहरुले पार्टीको निर्णय अनुसार हेटौंडालाई नै राजधानी मानेर अगाडि बढ्नु पर्ने औंल्याएका थिए ।
आज सोमबार नेकपाका सांसदहरु सहमतीको प्रयास गर्दै छलफल गर्ने कार्यक्रम छ । नेकपाका एक सांसदले भने– ‘आज सहमतीको प्रयास गर्दै सांसदहरु फेरि छलफलमा बस्दै छौं ।–’
कांग्रेसले ‘सरप्राइज’ दिने
प्रदेश ३ को राजधानी र नामको विषयमा नेकपा संसदीय दलले ठोस निर्णय गर्न नसकेपछि प्रमुख प्रतिपक्षी दल नेपाली कांग्रेसले ‘सरप्राइज’ दिने भएको छ ।
आज साँझ हेटौंडामा बस्ने कांग्रेस संसदीय दलको बैठकले राजधानी र नामको विषयमा ‘सरप्राइज’ दिने कांग्रेसका एक सांसदले तु खबरसँग बताए । ‘नेकपाले विवाद मिलाउन नसक्दा जटिल हुने आउने देखियो । कांग्रेसले हेटौंडालाई राजधानी बनाउने पक्षमा निर्णय लिनेछ ।–’ उनले भने ।
हेटौंडालाई राजधानी कायम गराउन कांग्रेसले महत्वपूर्ण भूमिका मतदान प्रक्रियामा देखाउने उनले दावी गरे । राजधानीमा हेटौंडालाई कांग्रेसले मतदान गर्ने संकेत देखिएको छ । कांग्रेससँग प्रदेशसभामा २२ मत छ ।
कांग्रेस संसदीय दलको गत शुक्रबार काठमाडौंमा बसेको बैठकले प्रदेश ३ को राजधानी र नामको विषयमा प्रदेशसभा सदस्यलाई व्हिप नलगाउने र मतदान स्वतन्त्ररुपले गर्न पाउने निर्णय गरेको थियो ।
बैठकले सत्तारुढ दल नेकपाले संविधानको मर्म र भावना विपरित राजधानी र नामाकरणको विषयमा संसदीय दललाई निर्देशन दिनु खेदपूर्ण रहेको बताएको थियो ।
यो पनि पढ्नुहोस्
- हेटौंडालाई प्रदेश ३ को स्थायी राजधानी बनाउने निर्णयप्रति मेरो समर्थन : बानियाँ
- नेकपाको निर्णयः राजधानी हेटौंडा, नाम बाग्मती
- ‘दुई तिहाई सदस्यहरु राजधानी हेटौंडाबाट सार्ने पक्षमा’
- ‘हामी नाममात्रैको प्रदेश सदस्य, सबै काम केन्द्रले गरोस्’– राजेन्द्र पाण्डे
- हेटौंडा राजधानी बनाउने नेकपा निर्णयको स्वागत गर्छु : कमल थापा
- जब प्रचण्ड हेटौंडा आए, त्यसपछि तात्यो नेकपा
- अहिले ६ बजे मन्त्रीपरिषद् बैठक बस्दै, प्रदेशसभा बैठक बोलाउन सभामुखलाई सिफारिस गरिने
- प्रदेश ३ को राजधानी र नाम पुसभित्रै टुङ्गिने
- प्रदेशसभा बैठक पुस २१ गते दिउँसो ३ बजे बोलाउन प्रदेश प्रमुखलाई सिफारिस
- राप्रपा केन्द्रीय सदस्य मधु अधिकारी लेख्छन् – यसकारण हेटौंडा स्थायी राजधानी
- माधव नेपालले बागमती प्रदेश भनेपछि खैलाबैला
- त्यो सरकारमा कमल थापा नभएको भए…
- राजधानीको विषयमा संसदीय दलको हेटौंडा र काठमाडौंमा बैठक
- बालुवाटारबाट कडा निर्देशनः राजधानी हेटौंडाबाट दायाँबायाँ नहोस्
- प्रदेश ३ को राजधानी टुंग्याउने मतदान २२ गते
- राजधानीको विषयमा नेकपा र कांग्रेस संसदीय दलको बैठक आज बस्दै
- राजधानी हेटौंडा र नाम बागमती राख्ने पार्टी निर्णय स्वीकारौं : मुख्यमन्त्री पौडेल
- हेटौंडामा भएको संसदीय दलको बैठक भोली बस्ने गरी स्थगित
- राजधानी हेटौँडा र नाम बागमती राख्न निर्देशन दिनु खेदपूर्ण : काँग्रेस
- हेटौंडामा संसदीय दलको बैठक सुरु, राजधानी बारे धारणा प्रस्तुत
- हेटौंडा राजधानी हुन नदिन हस्ताक्षर अभियान, कांग्रेस सघाउँदै
- राजधानीको विषयमा संसदीय दलको निर्णय आज
- हेटौंडा राजधानी राख्ने निर्णय मान्नुको विकल्प छैन
- हेटौंडा राजधानी मानेर अघि बढ्दा मन्त्रीपरिषद् हेरफेर !
- ‘राजधानीमा हेटौंडालाई मतदान’ भन्दै सांसदलाई फूलमाला
- नेकपा संसदीय दलको आजको बैठकमा स्थापित लचिलो, केन्द्रको निर्णय विधि बिपरित: लम्साल
- राजधानी र नाम टुंग्याउने मतदानमा नेकपाको १ मत घट्यो
- हेटौंडाको विपक्षमा विवेकशील पार्टीको दुई मत
- नेकपा सांसद स्थापितको एक घण्टा लामो भाषणः हेटौंडादेखि चितवन समेटेर ‘सिंगापुर’ !
