संसदीय दलले हेटौंडा राजधानी निर्णय गरेपछि मात्रै मतदान

तु खबर संवाददाता

२०७६ पुष २१,सोमबार ०९:५५

file photo

हेटौंडा, २१ पुस । प्रदेश ३ का मुख्यमन्त्री डोरमणि पैडेलले हेटौंडामा जारी नेकपा संसदीय दलको बैठकले राजधानी हेटौंडा र नाम बागमती राख्ने सर्वसम्मतीले निर्णय गरेपछि मात्रै मतदान हुने बताएका छन् ।

‘संसदीय दलको बैठकबाट सर्वसम्मत रुपमै हेटौंडा राजधानीको निर्णय गरेपछि मात्रै संसद बैठकमा मतदान प्रक्रिया अघि बढ्नेछ ।–’ मुख्यमन्त्री पौडेलले भने । दलको बैठकमा सहमतीबाटै राजधानी र नामको विषयमा निर्णय हुने उनले बताए ।

‘हामी साथीहरुको कुरा सुनेर सहमतीमा ल्याउने अधिकतम प्रयासमा लागेका छौं ।–’ मुख्यमन्त्री पौडेल भन्छन् । उनले आइतबार बसेको दलको बैठकले राजधानी र नामको विषय टुंग्याउन समय अभाव भएको बताएका छन् ।

‘तीनदिन देखि लगातार संसदीय दलको बैठक बसेकाले साथीहरुलाई आरामको पनि जरुरत थियो । आइतबार नै टुंग्याउन समय अभाव पनि भयो । अझै एकदर्जन जति साथीहरुले बोल्न बाँकी नै छ ।–’ पौडेलले प्रतिक्रिया दिँदै भने ।

हेटौंडास्थित मुख्यमन्त्री निवासमा गत शुक्रबारदेखि नेकता संसदीय दलको बैठक जारी छ । बैठकबाट राजधानी र नाममा सहमतीको खोजी भएपनि विवादको कारण निर्णय हुन सकेको छैन । आइतबारसम्म लम्बिएको बैठकले पुनः मंगलबार भोली बस्ने गरी बैठक स्थगित भएको थियो ।

मुख्यमन्त्री पौडेलले सोमबार संसद बैठकसमेत भएकोले मंगलबारसम्मका लागि स्थगित गरिएको बताए । बैठक स्थगित गर्नुको अन्य कुनै कारण नभएको पनि उनले बताए ।

प्रदेश ३ मा नेकपाको मत

मकवानपुर ६, चितवन १०, काठमाडौं २०, ललितपुर ९, भक्तपुर ४, धादिङ ४, नुवाकोट ५, सिन्धुली ४, सिन्धुपाल्चोक ४, रामेछाप २, दोलखा ६, रसुवा १, काभ्रे ५ ।

१ सय १० सदस्यीय प्रदेशसभामा २ तिहाईका लागि ७४ मत चाहिन्छ । नेकपा आफैंसँग ८० मत छ ।

संसदीय दलले हेटौंडा राजधानी निर्णय गरेपछि मात्रै मतदान

यो पनि पढ्नुहोस्

यसमा तपाइको मत Cancel reply

ताजा समाचार

धर्मको नाममा कसैलाई पनि अनादर गर्नु हुन्नः बानियाँ

राक्सिराङमा २ करोड लागतमा विद्यालय भवन बन्दै, बानियाँले गरे शिलान्यास

गति लिँदै गौरिटार, मन्त्री महर्जनद्वारा स्थलगत निरिक्षण

दुर्घटनामा परेर तीन जनाको मृत्यु

यस्तो रहनेछ आजको मौसम