हेटौंडामात्र वा पाँचवटै जिल्ला प्रस्ताव लैजान सांसदबीच रस्साकस्सी

तु खबर संवाददाता
२०७६ पुष २४,बिहीबार १२:४१
हेटौंडामा शुक्रबारदेखि जारी प्रदेश ३ को नेकपा संसदीय दलको बैठकमा सहभागी प्रदेशसभा सदस्यहरु ।

हेटौंडा, २४ पुस । सत्तारुढ दल नेकपा प्रदेश संसदीय दलको बैठक हेटौंडामा बसिरहेको छ । मुख्यमन्त्री निवासमा बिहानदेखि जारी बैठकमा प्रदेश ३ को राजधानीका लागि प्रदेशसभामा प्रस्ताव गरिने जिल्ला तोक्न सांसदबीच रस्साकस्सी चलिरहेको छ ।

छलफलका क्रममा केही सांसदले राजधानी अध्ययन सम्भाव्यता समितिले सिफारिस गरेको ५ जिल्ला संसदमा प्रस्ताव गर्नुपर्ने माग गरेका छन् ।

तर, मुख्यमन्त्री डोरमणि पौडेलले पार्टी निर्देशन अनुसार राजधानीमा हेटौंडा र नाममा बग्मतीमात्रै प्रस्ताव संसदमा पेश गर्ने बताएका छन् ।

नेकपा मुख्य सचेतक रामेश्वर फुँयालले आजको संसदीय दलको बैठकमा राजधानी र नामको विषयमा लैजाने प्रस्तावको प्रक्रियाको बारेमा छलफल भइरहेको बताए ।

उनले प्रदेशसभामा कसरी प्रस्ताव लाने, कुन प्रक्रिया अनुसार अघि बढ्ने र मतदान प्रक्रिया कसरी गर्ने भन्ने विषयमा छलफल भएको तु खबरलाई बताए ।

तर, नेकपा नेतृत्वको निर्देशन अनुसार प्रदेशको राजधानी हेटौंडा र नाम बाग्मती मात्रै प्रदेशसभामा प्रस्ताव अघि बढाएर दुईतिहाई पुर्याउन मुख्यमन्त्री डोरमणि पौडेल र प्रदेश कमिटीले आग्रह गरेको छ ।

स्रोतका अनुसार छलफलका क्रममा समितिले सिफारिस गरेको काभ्रे, चितवन, नुवाकोट, भक्तपुर र मकवानपुरको प्रस्ताव अघि बढाएर आफ्नो राजनीतिक भविष्य सुरक्षित पार्न सांसदहरुले नेतृत्व तहसँग अनुरोध गरेका छन् ।

यो पनि पढ्नुहोस्

यसमा तपाइको मत

Your email address will not be published. Required fields are marked *


*


ताजा समाचार

१
‘थाहा नगर प्रदेश सरकारको विशेष प्राथमिकतामा छ’
२
हेटौंडा–१९ लाई बालमैत्री वडा घोषणा गरिँदै
३
वैदेशिक रोजगारमा पठाइदिन्छु भन्दै ठगी गर्ने पक्राउ
४
३३ अंकले बढ्यो नेप्से, ७ करोड ४४ करोडमाथिको कारोबार
५
मंगलबार पनि घट्यो सुनको भाउ