अनुमति नलिइ ड्रोन चलाउने हेटौँडाका एक युवक पक्राउ

मकवानपुर २९ चैत । अनुमति नलिइ ड्रोन चलाएको भन्दै मकवानपुर प्रहरीले एक जना युवकलाई पक्राउ गरेको छ ।

हेटौँडाको बुद्ध चोकमा ड्रोन उडाउने स्थानीय युवकलाई पक्राउ गरिएको जिल्ला प्रहरी कार्यालय मकवानपुरका प्रवक्ता प्रहरी निरीक्षक सुजन पाठकले जानकारी दिनुभयो ।

उहाँले लकडाउनको दृष्य छायांकन गर्न ड्रोन प्रयोग गरेको तर अनुमति नलिएको पाठकले जानकारी दिनुभयो ।

पक्राउ पर्नुभएका युवकको नाम भने प्रहरीले गोप्य राखिएको जनाएको छ ।