संविधानसभा सदस्य अनन्त पौडेलको परिवारको विषयमा अफवाह फैलाउने रिजाल पक्राउ
तु खबर संवाददाता२०७७ जेष्ठ ११,आईतवार १२:०८
मकवानपुर । संविधानसभा सदस्य अनन्त पौडेलको परिवारको विषयमा भिडियो बनाएर युटुबमा पोष्ट गरी अफवाह फैलाउने एक जनालाई मकवानपुर प्रहरीले पक्राउ गरेको छ ।
वडा प्रहरी कार्यालयबाट खटिएको प्रहरी टोलीले हेटौँडा बस्ने बाराको निजगढ नगरपालिका वडा नंबर १२ रतनपुर घर भएका नितेशराज रिजाललाई पक्राउ गरेको हो ।
उनले आफुले उक्त भिडियो बनाएर पोष्ट गरेको स्वीकार गरेको प्रहरीले जनाएको छ ।
फेसबुकमा आएको भ्वाईस क्लिपको आधारमा आफुले उक्त भिडियो बनाएको उनले प्रहरीलाई बयान दिएका छन् – प्रहरीले भन्यो ।
