हेटौंडाबाट चोरी भएको मोटरसाइलकसहित दुई जना प्रहरीको नियन्त्रणमा

मकवानपुर । प्रहरीले हेटौंडाबाट चोरी भएको मोटरसाइलकसहित दुई जनालाई पक्राउ गरेको छ । इलाका प्रहरी कार्यालय गरुडाले हेटौंडाबाट चोरी भएको प्रदेश ०३–००२ प ६५८८ नम्बरको रातो रंगको २०० सीसीको एनएस पल्सर मोटरसाइकलसहिच प्रहरीले दुई जनालाई पक्राउ गरेको हो ।

पक्राउ पर्नेहरुमा मोटरसाइकल चालक बारा जिल्ला कोल्हबी नगरपालिका वडा नम्बर १० प्रसौना टोल निवासी २० वर्षीय देव प्रकाश चौधरी र पछाडि बस्ने सोही नगरपालिका वडा नम्बर ७ धोधरपा टोल निवासी २१ वर्षीय सागर चौधरी रहेका छन् ।

कटहरीया बजारदेखि गरुडातर्फ जाँदै गरेको उक्त मोटरसाईकल गरुडा नगरपालिका वडा नम्बर ५ झाझपुलस्थित गौर–चन्द्रपुर सडकखण्डमा रोकी चेकजाँच गर्ने क्रममा मोटरसाइकलको साँचो आधा भाँचिएको देखेपछि कागजात माग्दा देखाउन नसकेको र थप सोधपुछ गर्दा मोटरसाइकल छाडेर भाग्न खोज्दा निजहरुलाई पक्राउ गरेको प्रहरीले जनाएको छ ।

उनीहरुलाई सोधपुछ गर्दा मोटरसाइकल ३÷४ दिन अगाडि हेटौडाबाट चोरी गरेको बताएको प्रहरीले जनाएको छ ।

उनीहरुलाई पक्राउ गरी मोटरसाईकलसहित आवश्यक कारवाहीको लागि जिल्ला प्रहरी कार्यालय, मकवानपुरमा पठाइएको प्रहरीले जनाएको छ ।