दुर्घटनामा मोटरसाइकल चालकको मृत्यु

कलैया । बाराको कलैया उपमहानगरपालिका–३ मा आइतबार सवारी दुर्घटना हुँदा एक जनाको मृत्यु भएको छ ।

ना १ ज ८८ ३९ नम्बरको म्याजिक भ्यानले ना ४ प ५१२४ नम्बरको मोटरसाइकललाई ठक्कर दिँदा मोटरसाइकल चालककको मृत्यु भएको हो ।

मृत्यु हुनेमो मो. चालक बाराकै प्रसौनी गाउँपालिका–५ बस्ने ४० वर्षीय दुर्योधन चौधरी रहेको जिल्ला प्रहरी कार्यालय बाराले जनाएको छ ।

प्रहरीका अनुसार, दुर्घटनामा परी चौधरी गम्भीर घाइते भएका थिए । घाइते उनको उपचारको क्रममा कलैया अस्पतालमा बिहान सवा ११ बजे मृत्यु भएको हो ।

ठक्कर दिने भ्यान र चालकलाई जिल्ला प्रहरी कार्यालय बाराले नियन्त्रणमा लिई घटनाको विषयमा आवश्यक अनुसन्धान गरिरहेको जनाएको छ ।