बुद्धचोकमा एक युवकको हत्या
तु खबर संवाददाता२०७७ फाल्गुन २५,मंगलवार ०९:०६
काठमाडौं । बाराको निजगढ नगरपालिका–९ बुद्धचोकमा एक युवकको हत्या भएको छ । मंगलबार बिहान १९ वर्षीय रोहित शर्माको घरभित्रै धारिलो हतियार प्रहार गरी हत्या भएको हो ।
जिल्ला प्रहरी कार्यालय बाराका अनुसार, रौतहट चन्द्रनिगाहपुर घर भएका उनी निजगढ नगरपालिकामा पनि रहेको आफ्नै घरमा बस्दै आएका थिए । दुई तले घरको तल्लो तलामा खाजा पसल छ । माथिल्लो तलामा उनी एक्लै बस्दै आएका थिए । उनी पेन्टरको काम गर्दथे ।
मंगलबार बिहान खाजा पसल खोलेकाहरुले माथिल्लो तलामा हल्लाखल्ला सुनेको र कोही व्यक्ति भर्याङबाट ओर्लिएर बाइक स्टार्ट गरेर भागेको देखेको बताएका छन् ।
प्रहरी घटनास्थलमा पुगेर अनुसन्धान सुरु गरेको छ । अनुसन्धानका लागि विशेष तालिमप्राप्त कुकुर झिकाइएको जिल्ला प्रहरी कार्यालय बाराले जनाएको छ ।