बादललाई नेकपा एमालेको उपाध्यक्ष बनाउने तयारी !

मकवानपुर । गृहमन्त्री रामबहादुर थापा बादललाई नेकपा एमालेको उपाध्यक्ष पदमा मनोनित गर्ने तपारी गरिएको छ ।

सो विषयमा पार्टीमा अनौपचारिक छलफल भइरहेको र चाँडै बैठक बसेर आधिकारीक निर्णय गरिने नेमालेका नेता विशाल भट्टराईले जानकारी दिए ।

यस्तै लेखराज भट्टलाई सुदूरपश्चिम इन्चार्जमा मनोनित गर्ने तयारी गरेको छ । थापा र भट्ट दुवै माओवादी केन्द्रबाट निर्वाचित सांसद् हुन् ।

सर्वोच्च अदालतले नेकपा खारेज गरेर साविकको एमाले र माओवादी केन्द्र ब्युँताएपनि बादल र भट्ट माओवादीमा फर्किएका छैनन् । सर्वोच्चको फैसला अनुसार तत्कालीन नेकपाको प्रचण्ड समूहमा रहेका माधव नेपाललगायतका पूर्वएमाले आफ्नै घर फर्किए पनि बादल, भट्टलगायतका पूर्व माओवादी नेताहरु भने अझै एमालेमै रहेका हुन् ।