कोरोना संक्रमण पुष्टि भएका पूर्वराजा शाह दम्पती अस्पताल भर्ना

काठमाडौं । कोरोना संक्रमणबाट पीडित पूर्वराजा ज्ञानेन्द्र शाह अस्पताल भर्ना भएका छन् ।

पूर्वराजा ज्ञानेन्द्र थापाथलीस्थित नर्भिक अस्पतालमा भर्ना भएका हुन् ।

उनीसँगै पूर्वरानी कोमल शाह र पूर्वअधिराजकुमारी प्रेरणा शाह पनि अस्पताल भर्ना भएका छन् ।

उनीहरु शनिबार दिउँसो अस्पतालमा भर्ना भएका हुन् । उपचारमा संलग्न चिकित्सकहरुका अनुसार तीनैजनाको अवस्था स्थिर र सामान्य छ ।

भारतमा गंगास्थान गरेर फर्किएका शाह दम्पतीलाई केही दिनअघि कोरोना संक्रमण पुष्टि भएको थियो ।