पत्रकार महासंघ केन्द्रीय समितिको बैठक मकवानपुरको दामनमा आजबाट सुरु
तु खबर संवाददाता
मकवानपुर । नेपाल पत्रकार महासंघ मकवानपुर शाखाको आतिथ्यतामा केन्द्रीय समितिको बैठक मकवानपुरको दामनमा आजबाट सुरु भएको छ ।
पत्रकार महासंघको निर्वाचनपछि पहिलो पटक भौतिक उपस्थितिमा हुन लागेको सो बैठक आजबाट दामनमा बस्दैछ ।
भदौ ८,९ र १० गते ३ दिनसम्म संचालन हुने बैठकले पत्रकार महासंघको आगामी ३ बर्षको कार्यायोजना निर्माण गर्ने छ ।
बैठकमा महासंघ केन्द्रीय समितिका ५२ जना पदाधिकारी र ३ जना सल्लाहकार गरी ५५ जना र मकवानपुरका केही पत्रकारसहित करिब ६० जना सहभागि हुने जनाइएको छ ।
बैठकमा पत्रकार महासंघ मकवानपुर शाखाका अध्यक्ष गौतमले छोटो प्रस्तुतीकरण गर्ने छन् ।
यसैगरी भदौ १० गते नेपाल पत्रकार महासंघको अध्यक्ष विपुल पोखरेल हेटौंडा आएर बैठकका निर्णयहरु सार्वजनिक गर्ने कार्यक्रम तय भएको जनाइएको छ ।
सो बैठकको लागि आवश्यक व्यवस्थापन मिलाउन मकवानपुर शाखाका पदाधिकारीहरु खटिएको र जनस्वास्थ्यको मापदण्डअनुरुप बैठक संचालन हुने जनाइएको छ
