मकवानपुर खेलकुदको उर्वरभुमी : नेता बानियाँ

मकवानपुर । नेपाली कांग्रेस बागमती प्रदेश संसदीय दलका नेता तथा जिल्ला सभापति ईन्द्रबहादुर बानियाँले मकवानपुर खेलकुदको उर्वर भूमि रहेको उदघोष गरेका छन् । लोकतान्त्रिक खेलकुद संघ मकवानपुर र देव नगर टोल विकास हेटौंडा–८ कमानेको संयुक्त आयोजनामा भएको स्वर्गीय चित्रकुमारी गुरुङको स्मृति जारी सेभेन ए साइड फुटबल प्रतियोगिताको समापन कार्यक्रममा बोल्दै नेता बानियाँले सो कुराको उदघोष गरेका हुन् ।

मकवानपुरबाट धेरै युवा देश भित्र र बाहिर भएका विभिन्न खेलकुद प्रतियोगितामा प्रतिनिधित्व गर्दै पदक प्राप्त गर्न सफल रहेको भन्दै मकवानपुर खेलकुदको उर्वर भुमी रहेको बताएका हुन् । उनले कांग्रेस सधै खेलप्रेमीलाई माया गर्ने पार्टी भएको भन्दै खेलकुद मानिसको दैनिक जीवनमा अपरिहार्य रहेको बताए ।