कांग्रेस केन्द्रीय सदस्यमा घिमिरेको उम्मेदवारी घोषणा

काठमाडौं । नेपाली कांग्रेसका नेता श्याम घिमिरेले केन्द्रीय सदस्य पदमा उम्मेदवारी दिने घोषणा गरेका छन् । १४ औँ महाधिवेशनमा खस आर्य समुदायबाट केन्द्रीय सदस्यको उम्मेदवार बन्ने घोषणा गरेका हुन् ।

१२ औैँ महाधिवेशनपछि तत्कालीन सभापति सुशिल कोइरालाद्वारा केन्द्रीय सदस्यमा मनोनीत भएका घिमिरेलाई १३ औं महाधिवेशनपछि सभापति शेरबहादुर देउवाले पनि केन्द्रीय सदस्यमा मनोनीत गरेका थिए । काठमाडौंको इन्द्रेणी बैंक्वेटमा बुधबार पत्रकार सम्मेलन गरी घिमिरेले यसपटक आफू प्रतिस्पर्धाबाटै केन्द्रीय सदस्य बन्न चाहेको बताए । उनले गुटबन्दी अधिवेशनको बेला हुने तर अस्थायी हुनुपर्ने धारणा पनि राखेका छन् ।