जयराम लामिछानेद्वारा प्यानल घोषणा, को – को बन्दैछन् उम्मेदवार ?

मकवानपुर । नेपाली कांग्रेस मकवानपुरको आसन्न निर्वाचनमा सभापति पदका उम्मेदवार जयराम लामिछानेले आफ्नो चुनावी प्यानल घोषणा गरेका छन् । संस्थापन इतर पक्षको तर्फबाट आफ्नो उम्मेदवारी रहेको दावी गर्दै आएका लामिछानेले आज हेटौंडामा पत्रकार सम्मेलनको आयोजना गरी चुनावी प्यानल घोषणा गरेका हुन् ।

उनको प्यानलबाट उपसभापतिमा आनन्द कठायत र धर्म लामिछाने, सचिवमा भीमसेन महत, इश्वर पाठक, सहसचिवमा इन्दिरा न्यौपाने र रत्न गोलेले उम्मेदवारी दिने भएका छन् । कांग्रेसको विधान अनुसार उपसभापति, सचिव र सहसचिव दुई/दुईजना हुने व्यवस्था रहेको छ ।

उनले सदस्य छनौट भूगोल र क्लस्टर अनुसार हुने भएकाले सोही अनुसार उम्मेदवारी चयन गर्न जिम्मेवारी प्रदान गरिएको बताए । उनको पत्रकार सम्मेलनमा कांग्रेस मकवानपुरका पूर्व सभापति रघुरमन न्यौपाने, माइकल रामचन्द्र अर्याल, नेतृ उमा दाहाल, नेता धर्म लामिछानेलगायत नेता तथा कार्यकर्ताहरुको उपस्थिति रहेको थियो ।