गायक पाण्डेको एक सर्को दुनियाँ अर्को सार्वजनिक

मकवानपुर । गायक संगीतकार एवम् गीतकार विकास पाण्डेको एक सर्को दुनियाँ अर्को म्यूजिक भिडियो आज सार्वजनिक गरिएको छ । वन एमबी प्लस नामक युट्यूब च्यानलबाट सो भिडियो सार्वजनिक भएको हो । पाण्डेकै शब्द, संगीत र स्वरमा रहेको उक्त गीतको म्यूजिक भिडियो बीएस मेकर टिमले निर्माण गरेको हो भने सावन शर्माले भिडियोलाई निर्देशन गरेका हुन् । सिनेम्याट्रोग्राफी तथा सम्पादन विकास गुरुङले गरेका हुन भने भिडियोको मिक्सिङ तथा एरेन्ज अमृत ल्वागुनले गरेका छन् । आप्पिया म्यूजिक रेकर्डिङ स्टुडियोमा रेकर्ड गरिएको गीतको भिडियोमा टिम युएसडी र केजी बी बोइजको अभिनय रहेको छ ।

पाण्डेले हरेक बर्ष शिवरात्री पर्वलाई लक्षित गरी म्यूजिक भिडियो सार्वजनिक गर्दै आएका छन् । अघिल्लो बर्ष पाण्डेको शिव दाइको चिलिमलाई दर्शकले निकै रुचाएका थिए । अग्रज पत्रकार गिरिजा अधिकारीको शब्दमा रहेको ए सरकार र एसरकार दुईमा पनि पाण्डेले नै संगीत भरेका छन् । उनले हाँसेकै छैन, झिमझिम झिमकाई परेली, बेबी आइलभयु, जुन भनुँ तिमिलाईलगायतका चर्तित गीतमा संगीत भरेका छन् ।

हेर्नुहोस् भिडियो ।