मिन बानियाँको शब्दमा सगरमाथा शिर मेरो सार्वजनिक

हेटौंडा । गीतकार मिन बानियाँको सगरमाथा शिर मेरो बोलको देशभक्तिले ओतप्रोत भएको गीत सार्वजनिक भएको छ । नरहरि प्रेमी र इन्दु बानियाँको स्वर रहेको सो गीतमा प्रेमीले संगीत भरेका हुन् भने लक्षु प्रकाश मलले संगीत संयोजन गरेका छन् । देव पुनले क्यामेरा चलाएको सो भिडियोलाई सुवास जिसीले निर्देशन गरेका हुन् । म्युजिक भिडियोमा किरण राना, बिपना क्षेत्री, विष्णु श्रेष्ठ र सबिना श्रेष्ठको अभिनय रहेको छ ।

सुबास फिल्म प्रोडक्सन उत्पादन गरेको सो म्युजिक भिडियोलाई पबित्रा जिसीले सम्पादन गरेका हुन् । बेलायतमा बसोबास गरिरहेका गीतकार बानियाँको यसअघि पनि दजैनौ गीतहरु सार्वजनिक भइसकेको छ । नेपालमा रहँदा पत्रकारिता र अन्य सामाजिक कार्यमा संलग्न बानियाँको यसअघि गीत लेखनमा विभिन्न अवार्ड प्राप्त गरेका छन् ।

हेर्नुहोस् भिडियो