हेटौंडामा ९ हजार २९ मत गन्दा गठबन्धन र एमालेलाई दिपक सिंहले उछिने

मकवानपुर । हेटौंडा उपमहानगरपालिकाको ९ हजार २९ मतगणना गर्दा मेयर पदमा राष्ट्रिय प्रजातन्त्र पार्टी राप्रपाका दिपक सिंहले २ हजार ७ सय १० मत ल्याएका छन् । उनले गठबन्धनकी मिना लामा र नेकपा एमालेका उम्मेदवार अनन्त पौडेललाई पछि पार्दै अघि बढेका छन् ।

त्यस्तै गठबन्धनकी लामाले २ हजार ६ सय ६९ मत प्राप्त गरेकी छिन् भने नेकपा एमालेका पौडेलले २ हजार ४ सय ३४ मत प्राप्त गरेका छन् ।

त्यस्तै उपमेयरमा गठबन्धनका राजेश बानियाँले ३ हजार ९ सय ८२ मत प्राप्त गर्दा नेकपा एमालेकी सुमित्रा काफ्लेले ३ हजार १६ मत ल्याएकी छिन् । त्यस्तै राप्रपाकी इन्दिरा डल्लाकोटीले ८०३ मत पाएकी छिन् ।