हेटौंडा १२ मा रोचक प्रतिस्पर्धा : कांग्रेस ५६ मतले अगाडि

मकवानपुर । हेटौंडा उपमहानगरपालिका वडा नम्वर १२ को मतगणना जारी रहेको छ । हालसम्म सो वडाको ४ हजार ३५० मत गणना भएको छ । वडामा कांग्रेस र माओवादी केन्द्रबीच रोचक प्रतिस्पर्धा भइरहेको छ ।

यो समाचार तयार पार्दासम्म नेपाली कांग्रेसका अर्जुन तिवारीले १ हजार २७२ मत ल्याएका छन् भने उनका प्रतिस्पर्धी नेकपा माओवादी केन्द्रका ललित घलानले १ हजार २१६ मत पाएका छन् । कांग्रेसका तिवारीले माओवादी केन्द्रका घलानलाई ५६ मतले पछाडी पारेका छन् । वडा नम्वर १२ मा कूल ४ हजार ५२५ मत खसेको थियो । जसमध्ये अब १७५ मत गन्न बाँकी छ ।