हेटौंडा आएर माधव नेपालले कार्यकर्तालाई भनेः ‘हर्क साम्पाङ जस्तै बन्नुस्’

मकवानपुर । नेकपा एकीकृत समाजवादीका अध्यक्ष एवम् पूर्व प्रधानमन्त्री माधवकुमार नेपालले स्थानीय तहको निर्वाचनमा आफ्नो पार्टीले निकै ठूलो सफलता प्राप्त गरेको बताएका छन् ।

आज मंगलबार हेटौंडामा आयोजित नवनिर्वाचित जनप्रतिनिधिलाई बधाई तथा मतदातालाई धन्यवाद दिन आयोजित समारोहलाई सम्बोधन गर्दै नेपालले छोटो समयमा बनेको पार्टी चुनावमा होमिँदा पनि राम्रो सफलता मिलेको भन्दै त्यसका लागि सहयोग पुर्याउने सबैप्रति आभार व्यक्त गरे ।

निर्वाचित जनप्रतिनिधीलाई इमान्दार भएर काम गर्नका लागि सुझाव दिदैं नेपालले धरान उपमहानगरपालिकामा स्वतन्त्र उठेर मेयरमा निर्वाचित बनेका हर्क साम्पाङ राई जस्तै बन्नका लागि कार्यकर्तालाई आग्रह पनि गरे ।

अरु पार्टीको तुलनामा एकीकृत समाजवादीले गठबन्धनमार्फत् छोटो समयमा महत्वपूर्ण सफलता प्राप्त गरेको पनि नेता नेपालले दाबी गरे ।